ماشي حصة اجتماعية معنتها صح من واقعنا.....المهم
1هذا واحد كاين منو يكذب بزاف...مات باباه ربي يرحمو و باباه اسمو
ملوك صحابو كانو مريحين زعما قدام الدار جاهم السيد(الناس راهم بداو
يحكمو في الضحك خاطش يعرفوه)قالهم يا جماعة البارح في الليل الكلب اللي
مربيه بابا الله يرحمو بات يعيط هوهو يا ملووووووووووووووووووووووووووووك
هو هو ... واحد مابقاش ثم...
2غير نفس السيد جا للجماعة قالهم شفتو هذيك المعزة اللي مربيتها لعجوز
قلهم البارح كلات مالشجرة تاع القارص اليوم حلبت منها العجوز السيطرون...يا
سبحان الله
3قالك كاين واحد عندو جنان كبير تاع دلاع دخلت فيه بقرة بدات تجري و
تخسر في الدلاع عيط لولادو...يا ولادي روحو احكمو البقرة....عندو اربعة
ولاد
دخلو مور البقرة هذيك او عندو واحد اسمو قادة ما شاء الله يلبس 47 في
سباطو كي دخل يجري بدا يخسر في الدلاع كثر مالبقرة باباهم بدا يعيط يا
ولادي خلو البقرة و احكمو قادة.
.4 هذا واحد عطاها لكندا ضرب 4 سنين ثم خطرة عيطولو جوارينو قالولو بلي باباك ربي يرحمو راهو مات قالهم وعلاش انتوما راكم حيين؟
5.قالك خطرة العلماء المخيريين تاع العالم تلاقاو و خدمو روبو يدير كلش
شغل بنادم غير الضحك و البكاء اللي ما يعرفلوش...المهم كي خدمو هذا الروبو
عرضوه
في معرض للزائريين و الناس يشوفو و يخربو فيه المعرض هذا داروه في نيو
يورك...قالك حتى صابو الروبو يضحك او قدامو واحد...قالولو ااو واش درتلو
كي هدرو معاه صابوه جزائري قالهم لالا سقسيتو برك كيفاش يجيه غرينديزر هذا مكام...